اخوي والشغالة..

[كيك وعسل]

السلام عليكم ورحمة الله وبركاته
صباحكم / مسائكم عسل
مراااحب باعضاءنا الأعزاء والحلوين ...
اليوم حبيت احكي لكم عن موقف صار لأخوي الكبير مع الشغالة بس بصراحة موقف يفطس من الضحك .... اخوي موظف في شركة ارامكو وطبعا اهم شي في وظيفته المظهر وطريقة التعامل مع الوفود الأجنبيه اللي تزور الشركة ودائما اخوي يودي ملابسه اللاندري لأن على قوله لازم يحافظ على اناقته <<< شايف نفسه الأخ المهم من غير ما اطول عليكم
يوم الجمعة اخوي طلع مع اصحابه ولا مداه يودي ملابسه للمغسلة فطلب من شغالتنا المصونه (اوين) انها تكوي ثيابه وراح ينام يا عيني في أمان الله<<<< ياحرام ما يدري وش ناطره خخخخخخخخخخ
وصحى الصباح متأخر ولبس الثوب وهومستعجل وزبط الشماغ وطلع لأن عنده اليوم وفد اجنبي ويبي يسوي له جوله في إدارته ..في هذاك اليوم ماكان عندي محاضرات وجلست في الصالة وإلاواسمع صوت صراخ وأخوي ينادي شغالتنا وهومعصب حده ودخل البيت ووجهه منتفخ وأحمرويصارخ (وينها وين........اوين يابنت.......أوين أوين) قلت لأخوي خير وش فيك معصب وتصارخ قال لي ثوب مرقوع أنا البس ثوب مرقوع وفي أهم يوم من الدوام لكن أنا اوريها بنت ....... ياأوين اوين شوي وتجي أمي والشغالة وراها وتسأل اخوي وش فيك تصارخ عسى ماشر؟؟ وليش راجع بدري؟؟
واخوي رد عليها يمه تخيلي أنا البس ثوب مرقوع والسبب بنت اللذين اللي وراك لكن هين أنا اوريها وحاولت امي تهدي اخوي تبي تفهم من الشغالة وش سالفة الثوب المرقوع أنا ماني قادرة اوقف من الضحك ابغى اكتم صوتي لكن ما قدرت ههههههه وأمي تسأل الشغالة عن الثوب المرقوع خخخخخ والشغالة يا حرام تجاوب بحسن نيه كانها ما سوت شي (ماماانا امس ليل اكوي سوب بابا انا حرق السوب <<< وتعترف بعد خخخخخخخ
بعدين انا يفكر اش سوي انا <<< وتفكر بعد ههههه
بعدين زيب منديل شعرانا وسوي خياطة عسان هو سيم لون سوب <<<< خخخخخ يا بخته اخوي عاد منديل الشعر حق اوين اللي رقعت فيه الثوب غالي عليها واجد لأنه من ذكريات بلدها اندونيسيا.... وانا هنا طحت على ركبي من الضحك وما قدرت اتحمل وامي بعد ماسكه نفسها بالقوة عشان ماتجرح اخوي يا حرااام واخوي واقف مفهي ولا هو مستوعب الموقف واعتراف أوين الخطير بس عدى اليوم على خير وما سوى لها شي وحرم من يومها يحط نفسه وثيابه تحت رحمة اوين .. .على فكرة الرقعة كانت من وراالثوب على جهة اليسارواللي انتبه لها زميل اخوي في الشركة ..
هاه اشرايكم بالموقف ؟؟؟ ههههههههههههههه

[شدووونه]

ههههههههههههههههههه

شغاله رهيبه

ولا بعد عندها افكار جهنميه


يسلمووووووووووو على الموقف المضحك

[كيك وعسل]

الله يسلمك يا شدووونه ... تسلمي على المرور

[*ملاك الحنين*]

ههههههههههههههههههههههههههههه
مسكين اخوكي والشغاله حرام اتصرفت من عنده ولا فادها
يسلمو كيك وعسل

[• ღ سـمـو الـروح ღ •]

سلميلي على أوين ههههههههه

اجل رتبته خدامتكم هاه .. يعيش و ياكل غيرها

و عقبال ماترقع شماغه بقشور طماط هع هع هع

الله يسعدك يالغلا