الجمهره..لحامد زيد..

[ايومي]

اي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستـره
مايملي عيون الحسود بهالزمـن غيـر التـراب
ومن لايتوب من الخطا تحـرم عليـه المعـذره
اللي من أولهـا خـراب أكيـد تاليهـا خـراب
والبنـدق اللـي ماتثـور فـي هدفهـا تـذعـره
ودك اليامن جاتك الغلطه مـن النـاس القـراب
الصاحـب اللـي ماكسبـت محبتـه ماتخسـره
مشكلتي إني ماعرفت أحسب لصدتهـم حسـاب
قلطتهم صدري علـى ذكـرى قصيـد وحنجـره
صوت ٍ يصول بمنبره واخطاب مامثلـه خطـاب
والطيبه اللي زعزعت صوت الخطيـب ومنبـره
مافيه دمع ٍ صوبـوه أحبابـي بوجهـي وخـاب
ولازرق حزنـي علـى غالـي ولافـج انحـره
كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطـره
لأني تجنبت الغرق.. عديت من فـوق السحـاب
لأن أكثر أصحابي ورق..ماشفت للطيـب إثمـره
والله ماحطيـت بيـن الحقدوالـخـوه حـجـاب
حتى غدوا ربعي يحدوني على الضيـق أشكـره
البارحه ثـارت علـي رقـاب وأوتنـي رقـاب
البـارحـه ياثـقـل دم الـبـارح ويامحـقـره
أثر المصايب ماتجيك إلا مـن النـاس القـراب
وبهالزمن حتى الخوي اللـي تثـق فيـه أحـذره
أهب ياوجه الحسـد وشلـون جمعهـم وغـاب
كيف السنيـن اللـي عطتنـي بعثرتهـم بعثـره
لابارك الله فـي رفيـق ٍ تزعلـه كلمـة عتـاب
ولاجمـع الله الرجـال اللـي تفرقـهـم مــره
الصاحب اللي مايجي من صحبته غيـر العـذاب
نذر ٍ علي إن ماهجرني وإلا أنا اللي ب أهجـره
من يفتح لفرقاي باب أفـك لـه عشريـن بـاب
وأذا خويـي مايقـدر خـوتـي مــا أقــدره
عو ّدت نفسـي كـل ماشـددت لليمّـه ركـاب
أصد وجهي عـن طمـوح إلا لياجبـت خبـره
أن روّحوا فأنـا بـري منهـم ليـوم الحسـاب
وإن جرحوا قولوا لهم ماحركـوا فـيّ إشعـره
شفهم لهم حول السنه ولا خـذوا منـي جـواب
أحسـن دوا للـي يحـاول يستفـزك تحـقـره
ماكنت أحاتيهم صغيّير ..عـاد أحاتيهـم شبـاب
الصاحب اللي ما أذخره لليوم الأسود ما أذخـره
شفني جمعت أوراقهم بكتـاب وأغلقـت الكتـاب
ياوقـت لـم اللـي تلمـه وأنثـر اللـي تنثـره
اللي يخاف من الظما يترك لنـا طـرد السـراب
واللي ماهـو بقـد الظـلام ووحشتـه لايسهـره
عقب أكتئاب البارحه ماعاد انـا حمـل إكتئـاب
الطيب جرجرني وانا مانـي بناقـص جرجـره
انا تجرعت الظما ليـن أحتـرق وجهـي وذاب
انا كسـرت بخاطـري قبـل الصداقـه تكسـره
انا خسرت اللي غيابه غيـر عـن كـل الغيـاب
انـا غفـرت لعـالـمٍ ماتستـحـق المغـفـره
انا أكثر (أنسان) تعلم من كثر ماأخطـأ وصـاب
انا أخـر (لسـان) يتكلـم فـي زمـان الثرثـره
انا القصيد اللي فزع مـن دفتـره مليـون نـاب
وانا الوحيد اللـي جمـع مليـون نـاب بدفتـره
جفني وجرّحه السهر ، حيلي وهدّتـه الصعـاب
دمعي هدر،ضحكي ندر،عمري وضيعت أكثـره
شيبت بعقـول العرب..هيبـت روس ٍ ماتهـاب
جمهرت نـاس ٍ عمرهـم مايعرفـون الجمهـره
ماصرت ذيـب إلا لأن اللـي تحدونـي ذيـاب
ما كنـت أغيـب إلا لأن العفـو عنـد المقـدره
ترى حلاتك لاحملـت لصاحبـك كلمـة عتـاب
ان مانطقـت بهـا بوجهـه ماتـذمـه بظـهـره
في هالزمن مايملي عيون الحسـود إلا التـراب
والا الحظيظ.. الطلقـه اللـي ماتصيبـه تذعـره
ودك اليامن جاتك الغلطه مـن النـاس القـراب
الصاحـب اللـي ماكسبـت محبتـه ماتخسـره





جنااان وش راايكم فيهااا..

[..::XmAN::..]

صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره

لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره
==============================================

(( هالبيتين بس يخلوني احس باحاسيس غريبة مدري شلوووون ))


انا أكثر (أنسان) تعلم من كثر ماأخطأ وصاب
انا أخر (لسان) يتكلم في زمان الثرثره

انا القصيد اللي فزع من دفتره مليون ناب
وانا الوحيد اللي جمع مليون ناب بدفتره


عاد يا اومي ما حطيتي الا القصيدة الا انا امووووت فيها ابديها على كل القصايد

(( حتى هي اللي بتوقيعي )) اخ بس اخ


لاهنتي

بس ترى القصيدة مو مترتبه مرررة


يعطيكي العافية


ابوفيصل

[ايومي]

بصرااحه كلها اذا سمعتها تحس بااحسااس روووعه ..

لان القاااء حاامد زيد رووعه..


والابياات إلي اخترتهاا رووعه..


وانا تعجبني ..

ودك اليامن جاتك الغلطه من الناس القراب

الصاحب اللي ماكسبت محبته ماتخسره



ان شااء الله اشووف ترتيبهااا..

[عزتي تــــاج راســـي]

ما أدري كيف أوصفك نفسي
حاااااااااااامد زيد من الشعراء الي احبهم وهو الاول بس

القصيده روووووووووووووووووووووووووووووووووووووووعه خياااااااااااااااااااااااااااااااااااااااااااااااا ااال جد جد

تستاهلين كل التصفيق لكي

أيومي متميزه

[ايومي]

الله يخليك ياارب..


والله انتم تستااهلوون اكثر..


وانا بعد من عشااق حاامد زيد..



اسعدني مرووورك..